اجمل ما قرات

عـــضــو جــديــد

أهوى الشعر والشعر اجمل هوايه
واكتب هواياتي شعور وقصايد
هو فرحه أيامي وبلسم شقايه
لو مالشعرهمي وحزني طرايد
بنت وكتبت الشعرحرف وروايه
على بساط المعرفه حبل جايد
والشعر للشعار محكوم غايه
في غايته تبني البيوت الجوايد
ياللي بوسط القلب شوقي وصايه
عسى يجي مضمونها لك فرايد
لاغبت غاب النور واظلم سمايه
في ديره ماهي لهمي عوايد
آناظر الساعه بحرقه عنايه
واحسب ثوانيها بشوقي قلايد
مدري وش الي صار وشهو بلايه
يوم القوافي للمواجع تزايد
تعبت من بعدك حبيبي كفايه
لاتبتعد تكفى ترى البعد كايد
ابنتظر وصلك وهذا منايه
ياللي حياتي من فراقك لهايد
لانك نهاياتي وأجمل بدايه
ياسلوة الخاطر ونبع الفوايد
متى ترفرف للمواصيل رايه
مكتوب بآعلاها تباشير عايد
وكانك تبي تنهي فصول الحكايه
بتقرأ خبر موتي بوسط الجرايد